take a rest

花杯

2009-08-25T00:03:00.000+08:00

Bui Bui & Ah Fa

2009-07-10T23:09:00.002+08:00

Script from Dead Poets Society……

2009-03-12T17:21:00.000+08:00

“Just when you think you know something, you have to look at it in another way. Even though it may seem silly or wrong, you must try! Now, when you read, don't just consider what the author thinks. Consider what you think. Boys, you must strive to find your own voice. Because the longer you wait to begin, the less likely you are to find it at all.”

“I brought them up here to illustrate the point of conformity: the difficulty in maintaining your own beliefs in the face of others. Now, those of you - I see the look in your eyes like, "I would've walked differently." Well, ask yourselves why you were clapping. Now, we all have a great need for acceptance. But you must trust that your beliefs are unique, your own, even though others may think them odd or unpopular, even though the herd may go.”

記起你,你,你

2009-01-14T12:15:00.004+08:00

發白日夢，係每一個人都有o既經驗，發得白日夢o既o野，通常都係一o的遙不可及o既o野，所以o向發白日夢o既時候，你同我都唔會諗陣間去飲杯咖啡，轉頭去食杯雪糕，聽日要買一隻唱片……之餘似類o既o野，而係諗幾時可以執個背囊去西藏、o向海邊開間露天café、出一本書寫自己o既無聊心路歷程、間屋有個天台夜晚可以吹風望星、嫁俾某人……

每個人心裡面總有一o的o野、一o的奇想，如果可以諗下都開心諗過就算其實都係好事，最慘係有o的o野好似霧o甘，撥極都唔撥唔散……

唔知係好彩定唔好彩，人生裡面總有一o的人好似晨初o既一片霧……

--------------------

佢係好反叛o既一個人，敢愛敢恨，我唔一定認同佢o既價值觀，不過欣賞佢o既率性而為。我記得好多年後，o向一間連鎖式時裝店撞到佢，自始以後，我有一段時間都幾抗拒去o個個品牌o既商店，因為serve人o既佢完全唔係佢自己。後來聽人講o向o個個品牌商店做o野o既人都係怪人，我先覺得o岩數……

--------------------

我記得佢曾經同我約定，大家要放低電筒，攞番起支筆，每一次當我諗番o黎o的旁人聽起上o黎莫名其妙o既約定時，都會覺得好好笑，腦海裡面會出現番兩個初出茅廬o既青年偷偷地o向大堂借電話o申、一見面就好憤青o既一幕幕……

我好想再遇到佢，又好怕再遇到佢。好想見到佢仲係佢，一個據理力爭、一個好硬淨、一個好有原則o既佢。好怕再遇到佢o既時候佢變左一個滑o西o亞o既物管人。

--------------------

未認識佢之前，覺得佢簡直係o向自己一尺範圍內圍左一條黃線；識左佢之後發現原來佢係一隻披上鱷魚皮o既貓。佢可能唔知，係佢令我覺得過自己想過o既生活係一件幾o甘理所當然o既事。

當然，悠然自得背後所要承擔o既生活壓力，我又或者佢身邊o既人所能夠分擔o既其實好少。所以，一路走來，係全靠佢自己o既堅持。今日o既一張嘉許狀，o向公司o既立場係嘉許佢o既能力、投入、責任感、態度…，o向我o既睇法係對忠於自己o既選擇、勇於追求理想o既認定。

--------------------

發夢o既永遠都係美麗，追夢追到o既唔一定係好結果；有人話過程重要過結果，但係如果時光倒流，有幾多個無結果o既過程係你會想再去經歷？我無過人o既毅力同自信，對我o黎講，只係希望對得住將來o既自己。

我以前曾經住過o向o黎度，睇真o的，原來唔係A級o既智能大廈，唔係企o向維港岸邊先可以感受到大廈o既燈光都可以聚合成一種有美感o既構圖。

HAPPY NEW YEAR

2009-01-05T13:24:00.000+08:00

2008年，好似一朝早o向繁忙時間坐地鐵o甘，見個車廂o甘迫，其實都好想不如等下一班車o既心態，不過有試過朝早坐地鐵(尤其係轉車站)o既人都會知道，就算唔想夾硬迫入個車廂，但係俾後面o的人推下推下就會入左去，迫下迫下就到左目的地。

----------

以前一諗起如果做老本行要做到退休，簡直係發惡夢，於是成日發夢都想轉行，但又覺得發夢都無可能轉到行，一路發惡夢，發白日夢，夢醒，再發惡夢，再發白日夢，再夢醒，……而家望番轉頭，原來我已經離開左一個做左10年o既行業，係真真正正o甘離開左……

有得有失，夢境成真o既背後充斥住進退失據、幻得幻失o既情緒同考慮，轉轉折折o既一年已經將夢境成真o既興奮抵銷左……

『要做自己鐘意做o既事可能好難，唔做自己唔鐘意做o既事總可以吧！』

後半部份，o向上年，我似乎已經做到，前半部份，我唔知有無勇氣、毅力去追求……

----------

工作之外，我從來都係一個優柔寡斷o既人，要自己一個人去行一條路，似乎係一個幾能力之外o既決定，北京一行，係自己俾自己o既一次體驗，無人分享o既旅途並唔係我所習慣o既方式，不過我應該慶幸自己仲可以想做去做……

----------

出版「兩個人在途上」，重溫左一次悠長假期o既點滴，我覺得好好彩有一個朋友生o向o黎段艱難o既日子一齊去度過，大家都無想過一時戲言「一個飯盒兩份食」會成真，可幸o既係，各自投入新工作之後並無「你有你o既生活，我有我o既忙碌」。我好想佢可以o向今年搵到一個珍惜佢o既另一半，有人一齊分擔生活o既擔子，好人……應該要有好報。

----------

2009年，唔知好定壞，潛意識覺得總會係好有分別o既一年……

Nationality: unknown

2008-12-05T07:00:00.003+08:00

曾幾何時，你和我或許會因為自己是“香港人”而有一點點優越感，在填寫表格內Nationality一欄時，在不能再填寫“British (Overseas)”之後，你會好想明知錯誤仍然填上“Hong Kong”這8個英文字母，不到最後貪求免簽證也不去申請一本特區護照...

可惜，今天這些本來也是不切實際的優越感已經消失得無影無縱...再一次證明一個昏庸的制度可以將一個天才變成庸才,更何況...我們本身就沒有什麼天才!

收拾心情,收好回憶

2008-11-16T21:24:00.009+08:00

想一次過總結旅程的種種心情，但回港後的忙碌又佔去了我淨餘的記憶體，今天難得終於可以整理一下照片，不知從何事開始，照片成為了recall memory最好的媒介，所以......這麼多的照片，背後所有的記憶和感受，暫且就收在這些照片背後吧！

首都路上

2008-11-05T22:42:00.024+08:00

北京繁華的一面沒有帶來特別的回憶，生活在香港，對耀眼的燈光想必沒有太大的感覺

聽說國內的信徒很是熱心，清晨舉行的敬拜永遠坐無虛席，來之不易與垂手可得可真是有很大分別

我好像染上了斜路恐懼，長城的宏偉已經全拋腦後...

物價暴漲，北京的出租司機說那個百年夢想的運動會(不知是誰人的夢想)並沒有為他們帶來額外收入，所謂全城期待，所謂...

還好仍有這些舊胡同...

這樣，好看多了！

我最喜歡這裡寧靜的一角，有什麼比腦子一片空白，呆坐著看湖更寫意

穿梭於胡同之中...

沒有到了嘈雜的音樂、充滿污垢的疏化、言不由衷的服務員...什剎海也可以很可觀

回程前一刻...

一個人上路，感覺會是如何不同？

2008-11-03T23:25:00.001+08:00

Kouji Tamaki - ロマン (live)

2008-10-19T12:41:00.000+08:00

沙面

2008-10-19T12:38:00.000+08:00

停左半年

2008-09-21T15:06:00.003+08:00

一個畫面PAUSE左再PLAY番，只會繼續播翻原本播緊O既O野，可能會因為太耐無睇而忘記左之前O既劇情，不過劇情並唔會改變，以為已經完O西O既一套戲原來並未完。

O個日踩單車去到碼頭，空空來空空去，原來係可以攰到連諗O野O既力量都無埋...

我點解O甘驚，點解失落一定要俾自己一個原因，點解跌低左一定要爬起身，點解一定要振作要正正常常...

一個O向簷底O既人同另一個淋緊雨O既人講好驚自己會淋濕會傷風，原來係好可笑同好自私...

當O黎個世界變左一塊鏡O既時候，開眼閂眼都已經無分別...

......

2008-03-22T11:42:00.004+08:00

際遇？命運？彩數？湊巧？

如果一個腳下的世界：一堆枯葉幾條枯枝夾雜著點點幼苗再加上不顯眼的垃圾......也可以有美的感覺的話，我就不相信世界是演變而成、事情是誤打誤撞地發生......

悠長假期

2008-03-09T11:28:00.003+08:00

九個月，說長不長，說短不短...

以一個連續工作了十個年頭，向來是工作接工作的我來說，九個月的嘗試、失敗、迷茫、反覆，可算是不短的時間，但以一個仍可能需要工作數十個年頭的我來說，九個月的閒、呆、遊、休，其實也可以說是一個意料不到的中途站。

一向對財務處理失據的我，卻經常對數字存有一點點不切實際的幻想，九個月裡5次短暫工作、5次長短外遊，算是苦樂參半吧。悠長假期由2007年6月10日開始，2008年3月10日結束，剛剛是我很喜歡的整數﹝記得十來歲上教會時，懶做靈修懶看聖經的我，每過一段時間都會立志，從新靈修...由星期一開始、由下個月一號開始、由一月一號開始...，結果偏執於要整全的我聖經還是沒看好、人也沒做好﹞，是上帝為我這個多多藉口卻又缺乏信心與耐力的人佻皮地眨眼嗎？嘻嘻，還好祂沒有為我安排一個整年的假期。

假期由旅遊開始；由旅遊結束、湊巧地有好友的陪伴勉勵、轉行由奢望成為現實、苦一半樂一倍......如果還想口出怨言的話，大概要找人撰寫講稿了！

亂過亂XX

2008-02-25T18:53:00.007+08:00

究竟係以前我無日日睇報紙，定係因為無所事事O厘大半年以o黎睇多左報紙，o黎個城市究竟發生左o羊事？

無論一個o羊人、有o羊經驗、有o羊學識，當利益、權勢、地位放o向自己前面o既時候，係o米就會盲/聾左？係o米就會連最基本o既邏輯都無埋？係o米可以完全唔理旁人o既伸訴/恥笑？係o米面皮可以突然之間長厚？

以前我地都會覺得政府o既效率好低，因為層層架構、疊疊程序......而家政府已經改過，效率其高、彈性非常，所以乜o野政策、規則都可以隨時改，可以唔公開就唔公開，可以唔回應就回應，一旦公開左就死撐，大眾接受又好唔接受又好，係你地o既事。只是面皮夠厚，時間始終會過去，日日都有新o既新聞出現，一單蓋過一單，好多事好快可以不了了之......

當權人無愧授之，當事人受之無愧，星斗市民仲可以點？

The Kite Runner

2008-01-26T03:38:00.001+08:00

眼見不公義o既時候，你會做o的o羊？會出手？會叫人出手？會等人出手？會呆若木雞？會走？會......？
幾十年o既以身作則都改變唔到一個人？短短嘅一藉話一封信一個真相可以咩？
睇故事唔好駁故事，改變可以係漸漸o既，亦可能係一時之間，只要係變好o既從來都都唔會嫌太遲。
久違o既睇戲感動......

The Little Prince

2008-01-20T02:00:00.000+08:00

「我的生活很單調。我捕捉雞，而人又捕捉我。所有的雞全都一樣，所有的人也全都一樣。因此，我感到有些厭煩了。但是，如果你要是馴服了我，我的生活就一定會是歡快的。我會辨認出一種與眾不同的腳步聲。其他的腳步聲會使我躲到地下去，而你的腳步聲就會像音樂一樣讓我從洞裡走出來。再說，你看！你看到那邊的麥田沒有？我不吃麵包，麥子對我來說，一點用也沒有。我對麥田無動於衷。而這，真使人掃興。但是，你有著金黃色的頭髮。那麼，一旦你馴服了我，這就會十分美妙。麥子，是金黃色的，它就會使我想起你。而且，我甚至會喜歡那風吹麥浪的聲音…」
「只有被馴服了的事物，才會被瞭解。」狐狸說，「人不會再有時間去瞭解任何東西的。他們總是到商人那裡去購買現成的東西。因為世界上還沒有購買朋友的商店，所以人也就沒有朋友。如果你想要一個朋友，那就馴服我吧！」
「那麼應當做些什麼呢？」小王子說。
「應當非常耐心。」狐狸回答道，「開始你就這樣坐在草叢中，坐得離我稍微遠些。我用眼角瞅著你，你什麼也不要說。話語是誤會的根源。但是，每天，你坐得靠我更近些…」

「你這裡的人在同一個花園中種植著五千朵玫瑰。」小王子說：「可是，他們卻不能從中找到自己所要尋找的東西…」
「他們是找不到的。」我回答道。
「然而，他們所尋找的東西卻是可以從一朵玫瑰花或一點兒水中找到的…」
「一點不錯。」我回答道。
小王子又加了一句：「眼睛是什麼也看不見的。應該用心去尋找。」

「這就像花一樣。如果你愛上了一朵生長在一顆星星上的花，那麼夜間，你看著天空就感到甜蜜愉快。所有的星星上都好像開著花。」
「夜晚，你抬頭望著星星，我的那顆太小了，我無法給你指出我的那顆星星是在哪裡。這樣倒更好。你可以認為我的那顆星星就在這些星星之中。那麼，所有的星星，你都會喜歡看的…這些星星都將成為你的朋友。而且，我還要給你一件禮物…」
「人們眼裡的星星並不都一樣。對旅行的人來說，星星是嚮導。對別的人來說，星星只是些小亮光。對另外一些學者來說，星星就是他們探討的學問。對我所遇見的那個實業家來說，星星是金錢。但是，所有這些星星都不會說話。你呢，你的那些星星將是任何人都不曾有過的…」
「夜晚，當你望著天空的時候，既然我就住在其中一顆星星上，既然我在其中一顆星星上笑著，那麼對你來說，就好像所有的星星都在笑，那麼你將看到的星星就是會笑的星星！」
「那麼，在你得到了安慰之後（人們總是會自我安慰的）你就會因為認識了我而感到高興。你將永遠是我的朋友。你就會想要同我一起笑。有時，你會為了快樂而不知不覺地打開窗戶。你的朋友們會奇怪地看著你笑著仰望天空。那時，你就可以對他們說：『是的，星星總是引我歡笑！』他們會以為你發瘋了。我的惡作劇將使你難堪…」

一別14年

2008-01-17T00:25:00.000+08:00

我對立法會候選人的心底話

2007-11-25T21:23:00.000+08:00

何來 ─ 你陪跑o者，你點解唔用平時o益破喉嚨o個o的語氣問葉劉o野，反而走去問陳太o野，不過你今日講o野居然俾大部份候選人流暢，真係令人感慨。

蕭思江 ─ 你屋企無飯開o羊？乜一碗飯對你o黎講原來o甘重要o羊？俾廿蚊你買個飯盒o羅。

蔣志偉 ─ 司馬昭之心路人皆見，對你無o野好講。

葉劉 ─ 又道歉牙？夠啦，罪不及家人，唔好再帶你個女出o黎啦！另外你o的支持者同你一樣好討厭，人地講o野時不斷叫囂，識唔識o羊叫禮貌！

柳玉成 ─ 想為香港人服務，唔該學好廣東話，同戎左o個o的令人不安o既叫囂式說話方式先！

李永健 ─ 原來你係律師，失覺o西。你o甘醒但係點解你背後連一個支持者都無？仲有，如果經過今晚o既論壇之後，你仲有客搵你打官司你就一定要好好珍惜o黎o的客呀，因為無o架啦！

陳太 ─ o羊事o甘緊張呀？好似最口窒窒係你喎，你見慣大場面格，而家選情好緊急o架，唔好o甘大意啦！

凌尉雲 ─ 唔知你參加為咩，可能正如你自己講係一股傻勁，不過你問葉劉o既時候我都好認同，『o羊都話要等共識，o甘你自己無睇法O架o羊？如果個個都唔肯講自己o既意見同睇法先，點會有共識？』，可惜，對方始終無答你。

令人失望的......

2007-11-22T00:38:00.000+08:00

泛民
都唔係第一日先知道你對手o既協調同動員能力啦，點解到今時今日仲可以好似一個天真o既細路o甘，以為打正民主旗號就夠咩？市民好實際o架，選舉都要講策略同協調o架，你地究竟有無危機感o架...

部份上屆選左但不是生產o既區議員
多得你地唔少，令更多香港人覺得民主派得個講字，你地送左泛民一程...

部份深水埗選民
你地個腦其實放左o的咩呢？一直為你地做事代你地爭取o既你地唔選，唔好講咩食蛇宴唔係免費o架，自己都要俾錢o架，之餘此類o既說話，要著數o米要著數o羅，棄暗投明o米棄暗投明o羅...

親中政黨/人士
語無倫次，應聲出刀，講多無謂...

部份香港人
記憶唔通真係o甘短暫？2003年出o黎遊行o既人唔知有幾多有出o黎投票，係o米樓價升股市升就ok，輸打嬴要，隨風擺柳...

算啦，既然一國兩制係有限度執行同形式上存在，不如取消一國兩制，取消特區，明刀明槍高壓政策，o甘仲死得痛快，無謂再假惺惺。

華南之旅

2007-10-31T00:27:00.000+08:00

2007年9月23日

2007-09-28T09:21:00.000+08:00

我要做一個信心O既考驗，雖然信主17年O既歷程已經話左俾我聽我係經唔起考驗O既，不過O黎個信心並唔起來來自我自己，並唔係我對神O既信心，並唔係我自己O既信念同堅持，係神自己對我O既信誠同應許。

我要記住O黎一日，因為我深信正如佢真係會無事O既平安同信心一樣，總有一日我會同佢地講，由2007年9月23日起，我就知道始終會有O黎一日。

One Dream One Chance

2007-09-08T19:49:00.001+08:00

living in a dream or going for a dream?

"All of this is like a fairy tale and I'm terrified I'm going to wake up soon and find I've dreamt it all, the support I've had has been incredible and I feel so touched and humbled by it. It has done so much for my confidence and I really can't thank people enough for giving me the chance to realise my dream. To be given an opportunity like this is more than I ever could have hoped for. Finally, I am going to be doing what I've always felt I was put here to do - something I love and that gives me so much joy”

The Giving Tree

2007-09-08T01:11:00.000+08:00

為什麼那麼多人，偏偏要打我注意？

誰叫你明知治安那麼差，一次又一次，還不把袋子拉鏈拉好？

不把拉鏈拉好就代表別人可以犯罪嗎？

沒有人可以憑藉任何原因而該去犯罪，但是如果我要犯罪，我會選擇的對象一定是你……

-------------------------------

幫人，有想過後果嗎？

幫人，為什麼要想後果？

有想過有些事情應該幫嗎？

難道明知他知道我有能力去幫忙仍拒絕嗎？

有想過因為你的不拒絕而令他變本加厲嗎？有想過是你令他的世界變得那麼不可理喻嗎？

我已經沒有跟他計較什麼，這些也可以算到我的頭上嗎？

不是不計較的付出就不需要負責任的……

-------------------------------

你可以繼續理直氣壯、繼續選擇做好人，繼續助長、繼續縱容，只是，你去做你的愛心樹，別再埋怨、別再告訴我……

2006.12.29~31

2007-09-07T23:05:00.000+08:00

『我的日子跟你的日子一樣，時而堅定不移，時而遊移不定。我從這個城市離開到那個城市，我從這些人到那些人，我變成螞蝗的一部分，我弓著身子學著，去到我未知的地方，我離開那個城市時已是晚秋，??沒有再說什麼了．．．我離開了，從這些人到那些人，我一定是住到??的房間裡去了，你也住到我的房間裡來了，我不許你離開，我再也不許你離開。這些人那些人匯集成洪流，弓著身子．．我在我們的城市住到你的房間裡，你不該許我離開，這次我要住得很久．．很久．．。』

HAPPY BIRTHDAY

2007-09-02T16:29:00.000+08:00

政治不正確

2007-08-16T16:54:00.000+08:00

當所有人都說你太過忠直，忠直有可能造成損失，被人欺負到頭上，你還會因要守住自己的信念而堅持嗎？還是掛羊頭賣狗肉，來個渾水摸魚的掩眼法，反正旁邊的對手又好，鄰近的非敵非友又好，誰不是在大喊大叫著空調。

堅持的結果如果是獲選，有很多人會說：阿！天下間還有公義......

堅持的結果如果是落選，有更多人會說：政治不是忠直人的玩意，你更本搞不好什麼是政治......
是這樣又如何？如果別人選的不是真正的自已，有意思嗎？

無所不容，有所不為。如果已經清楚地訂立了待人處事的原則與界線，就沒有什麼好抱怨與憂慮了。

金髲碧眼看中國

2007-08-11T17:20:00.000+08:00

『...如果他希望一個人呆著，那他完全有這個權利，不要隨心所欲地離他很近地觀察什麼。』

雖然睇完都唔係好了解點解作者o甘熱愛中國文化，亦有o的難以置信點解佢遇到o既10個中國人裡面好似9個都o甘友善？究竟係我地普遍太小心眼、懶高警覺又帶左有色眼鏡睇國內o既人？定係作者好彩？

羨慕作者話o黎一刻o既幸福就係生活o向中國，唔係羨慕佢生活o向中國又或者佢o既生活方式，係羨慕佢知道自己要o羊又敢勇往直前。

my candle lamp & teapot

2007-08-11T10:01:00.000+08:00

你睇佢唔到，不過佢確實存在

2007-08-10T17:19:00.000+08:00

對於一個閒人，星期幾已經唔再重要，日日都係假期，突如其來o既風球當然都唔例外，望住窗外面o既樹、人、車、垃圾，當你唔再係逼住等車返屋企o既其中一員時，橫風橫雨都可以覺得額外平和。

千頭萬緒，唔識表達，連想時間快o的定慢o的過去都唔知，唔知自己o向度等o羊？

……等有勇氣去感受、等o的感覺番o黎、等……？

香港人在長沙

2007-07-29T21:07:00.000+08:00

唔識經濟o既我，唔知讓一少撮人富起來o既好處，可以見到o既只係一個扭曲左o既城市......
從一點廣大到一面，急速發展好大程度上只係帶俾已經富庶o既人更加富庶......

10個月

2007-07-12T11:07:00.000+08:00

別忘記了他們

2007-07-07T10:29:00.000+08:00

2007-07-07T09:30:00.000+08:00

「人要做自己喜歡的事並不容易，
那不做自己不喜歡的事總可以吧？...」

時間過得好快

2007-06-24T00:13:00.000+08:00

仲有不足33小時，就係一個新o既開始，聽晚唔會有心情記錄，因為而家已經有o的不安，新環境、新人事、新系統，我唔知自己要用幾多時間去適應，交托，我講過信祈禱。

2007年6月19日 06:00

2007-06-21T21:54:00.000+08:00

距離離程約8小時。

怎樣才算認識一個人？我發現我越來越沒有這方面的智慧。是因為認識而驚訝？還是因為不認識而誤解？不知道。總之一個人，突然有股陌生的感覺，突然得令人有點措手不及。我有一點恐懼，不是承認陌生的恐懼，是向自己坦白的恐懼。

記得數年前一位老朋友結婚，我可以想像自己一定會傷心地出席老友的婚宴，最後，為了不想自己難過，我選擇了缺席老朋友的婚宴，這個不想難過亦絕不快樂的決定有時會浮出水面，然而，再給我選一次，我還是會做自己願意做的事情。

兩星期前，我曾經有股氣，想放棄這次旅程，但從日本回來後，以為自己已經散過心，而且已經離開了工作環境，心態或許不同了......，但，由行程開始至今，我發現我心裡有一些什麼，不太想說話、不太想交流，仍得說說話、仍得交交流，又不是第一次做自己不想做的事情，但覺得自己離譜，企圖以平常的調子掩飾一種微妙的變化，平常不是最討厭人說一套做一套嗎？

從什麼時候我覺得不能再投注感情到一段人與人的關係當中，從什麼時候一段關係就像以疏格盛水一樣，投注多少漏多少......

日本的天空Slide

2007-06-13T22:15:00.000+08:00

日本的天空

2007-06-13T17:57:00.000+08:00

日出、日落、雲聚、雲散...

不一樣的天空，

不一樣的心情。

雲，

要沾在一起也好，

要一個人飛也好，

要遮蓋藍天也好，

要逃去無蹤也好，

來就來，走就走，

在別人憑你的形態猜測你的心意時，

你冷眼一看輕描淡寫地說一句隨便。

4年......

2007-06-07T20:26:00.000+08:00

THANKS BOSS

I THOUGHT...

2007-05-19T21:12:00.001+08:00

"I did what I thought was right;
I said what I thought was proper;
I chose what I thought was good;
I judged what I thought was fair..."

Hey, you thought? then what you think?

To every thing there is a season, and a time to every purpose under the heaven

2007-05-13T10:53:00.000+08:00

雖則人生確不如我所期望的時間去運作，
雖則人生需要我去等候，
但凡事都有定期，
天下萬務都有定時……

Takeshi Slide

2007-05-06T08:42:00.000+08:00

等待第1461天的來臨

2007-05-04T00:27:00.000+08:00

冷看亂語巧言
懶待瘋人瘋事
自尊自省為重
戀棧職權為惡
既已不相為謀
了卻怨憤怒猜

後數

2007-05-02T19:15:00.000+08:00

搭小巴，有一種付款方式叫後數，即係我而家落車不過又唔俾錢住，總之後面有人會幫我俾，一聲“後數”好洗好用，拍拍籮柚就可以落車，至於答應幫人俾錢o既記唔記得俾？小巴司機記唔記得追？已經唔再關我事......

o向工作上，我從來無試過“後數”，last day都係working day，盡可能將手頭上o既工作完成左去，唔好留底o的蘇州屎俾下家，一半因為責任，一半因為自己鬧得人太多，唔想背後俾人鬧。

不過，當你根本無錢時，又或者當你好想唔找數時，“後數”似乎係唯一o既出路......

就o黎落車o既我，雖然明知無人會o向我叫“後數”時回一句“有數”，不過其實明知個司機根本都唔介意夠究竟有無人負責o黎條數，甚至乎我粒聲唔出落左車佢都未必會知，o甘有數無數又何干呢？

o米諗

2007-05-01T22:53:00.000+08:00

Right click, left click
每日你會重複o黎個動作幾多次？

2007年過左1/3，
有好多o野想做，到頭o黎一樣都唔去做，
我好想可以簡單講一句我有權利可以過得好頹，
求求其爛泥扶唔上柄點解唔可以係我o既選擇？

做懷事內心會忐忑叫良知，
唔做事內心都忐忑叫o羊呢？

有人o羊都唔理一走了知好勇，
有人o羊都唔做坐井觀天仲勇。

如果每人都有一種不治之症，
唔洗審，唔洗診，
我患o既一定係無病呻吟！

漫遊

2007-05-01T16:11:00.000+08:00

終於，我又開始上路！

2007-03-12T00:52:00.000+08:00

我，總會忽然有種重新振作o既衝動，亦永遠有股停濟放棄o既念頭，所以o向最低落時始終可以走出谷底，最積極時卻又懶於去實踐。

我發現自己一生人可能用得最多o既時間係諗o野，最慘係諗o的不切實際o既o野，腦袋都可以殺人！

最近我有好多o野想做，我唔係要向夢想出發，我係要向現實進發，因為我只可以行去唔可以飛去。

會過去的！

2007-01-24T22:33:00.000+08:00

一個星期，
已經一個星期，
我有什麼改變嗎？

我被自己嚇倒，
冷靜得出奇，
不想思考、不想感受、
不想停、不想聽。

心是隱隱但仍未作痛。

不知從何時開始，
我不再惦記某些日子，
不再惦念某個人，
鏡中人，仍是我嗎？

我開始害怕，
害怕面對事實，
害怕倘開心屝，
害怕孤獨，
害怕改變，
害怕交待，
害怕別人的眼淚，
害怕決絕，
最怕心軟，......

我不再認為自己是一個用情至深的人，
不再問為什麼。

沒有人可以為沒有回報的東西付出，
沒有人應該為早已逝去的感情等待，
人生不應如此，
但人生就是如此！

莫謂書生空議論頭顱擲處血斑斑

2007-01-16T01:30:00.000+08:00

就是愛

2007-01-05T00:49:00.000+08:00

『如今常存的有信，有望，有愛這三樣，其中最大的是愛。』

沒錯，每個人做每件事情都有其原因，無論他們是始於憐憫、良善、家庭、使命、承擔、遺憾、絕望、……什麼也好，我想讓他們無怨無悔地經歷漫長審核及等待、接納一個無血緣非同族的兒童為至親、供給自己最好或僅有的 ─ 就是愛！這不就是最佳的憑證嗎？

中國孤兒和洋父母，我深信不是單方面而是彼此都成為對方的幸福，生命裡最大的祝福。13個見證發展下來都滿是看見明天的，但仍未成為別人幸福的孤兒還多著呢？他和她的命運又會如何？我想除了禱告外，還是有其他可以做的事情。

The First day of the rest of my life

2007-01-01T23:42:00.000+08:00

一日遊

2006-12-30T01:02:00.000+08:00

人多有人多o既溫暖，孤獨有孤獨o既寫意。

我唔相信有所謂o既同路人，
因為每個人行o既路始終有唔同，
但人與人之間確實會有好多交匯點，
無論同其他人有幾多個交匯點都好，
路，始終係要自己行。

我唔係孤獨主義o既人，
朋友o既支持同鼓勵更加唔會嫌多，
不過合適同合時o既孤獨都好重要。

孤獨係私人空間，
但有私人空間唔代表會孤獨，
孤獨唔係一種享受，
但孤獨時個人好似會醒一醒，
醒左唔代表o的o羊，
醒左唔代表係清醒，
醒左唔代表唔會呆番，
醒左唔代表唔會做傻事，
總之係醒過，就係o甘簡單！

因為孤獨，
今日條魚特別無辜
杯咖啡特別濃，
個飽特別正，
套戲特別暖，
步伐特別慢，
條街特別長，
燈光特別暗，
影像特別模糊......

唔好o甘天真，
世界唔會因為我而改變，
鍾意點睇就點睇，
總之唔好怨天尤人，
選擇o既幾時都係自己。

Remember

2006-12-26T00:47:00.000+08:00

I try to remember
Before it's too late
I won't be myself
If I lost your love
Remember
I try to remember

I try to remember
Before it's too late
I won't forgive myself
If I forget your face
Remember
I try to remember

my x'mas gift

2006-12-25T01:17:00.000+08:00

Confession of Pain

2006-12-23T23:11:00.000+08:00

唔可以話佢演得好過梁潮偉，
但好明顯佢好睇過梁潮偉，
唔係講外型好睇，
係個角式好睇。

傷心唔會得兩條出路，
不過就算有得揀開心，
都未必會揀，
點解唔可以歇斯底里o甘傷心？

對於一個雙腿殘缺o既人，爬番起身談何容易？

聖誕禮物

2006-12-23T02:03:00.000+08:00

既然改變唔到，咁惟有承認：

2006-12-20T01:40:00.000+08:00

我好情緒化；
我係嗅脾氣；
我會妒忌人；
我太過自負；
我極為懶散；
我對討厭o既人心地唔好；
我好多時唔知自己想點；
我諗太多無謂o野......

我o黎幾日心情好差，
我唔想積極唔想起身，
我想發悔氣！

SMILE

2006-12-14T14:24:00.000+08:00

本星期，一未記之曰：開心！
有可能望到對面岸！

Double chocolate mousse cake

(upload at 22:01)

當袁婆婆遇上枚方雲頓

2006-12-09T00:45:00.000+08:00

因為有話說不出，所以才有枚方雲頓！

至理名言：一個人的寂寞不是寂寞，兩個(或以上)人的寂寞才是寂寞。

資訊這麼發達，還寂寞的、還是有話說不出的，可能反倒比舊時更多。

當袁婆婆遇上一個一頭橙髮的日本人枚方雲頓時，會跟他說什麼？枚方雲頓又是否可以簡簡單單的說『不是可以轉個角度看看嗎？』，不曉得？

『沒優沒劣，沒輕沒重，都是一樣的呀！』對待別人的煩惱，我也是這樣認為。對待自己呢？總有一種「你們不是我是不會明白的」痛苦，袁婆婆也是這樣吧？

不論那裡，有話說不出的人多著吧，口若懸河的人也會有說不出的話呀，一個中國慰安婦與一個不知如何分配遺產的社長，作為局外人，程度有分別吧！當事人呢？誰能說鮑魚一定比時蔬美味嗎？不懂判斷。總之想說話的人多，肯聽說話的人少，懂回說話的人更少！別說只需要發洩一下，無需回應！如是真的，何不簡單對著個大海或草坪喊個死去活來，省得麻煩！

上一、兩代的中國人，總是背負著一道又一道的傷痕，最傷人的，不是別人，就是中國人自己。

早幾天坐車時看到“......「我這輩子沒這麼溫暖過！」......”，酸。

想做就去做？

2006-12-03T22:58:00.000+08:00

人生，好想任性一次、好想唔理身邊o既人點睇一次、好想完完全全自己想點就點一次、好想做番自己想做o既自己一次、......

成日話唔鐘意太現實o既人，事實可能係佢地比我更有勇氣接受現實、承認現實。佢地比我更知道自己想點同要乜。天馬行空諗o黎諗LO可能係我o既嗜好，但從來都無豁出去實踐o既勇氣。所以終日怨天尤人，問點解？點解？點解？

因乜事我會係一個咁兩極o既人？

再見影藝

2006-12-01T02:25:00.000+08:00

死穴

2006-11-29T02:49:00.000+08:00

「你們要謹慎！若是你的弟兄得罪你，就勸戒他；他若懊悔，就饒恕他。倘若他一天七次得罪你，又七次回轉，說：『我懊悔了』，你總要饒恕他。」
路加福音17:3-4

人活到幾多歲都可以有o野學，唔單止係因為可以學o既o野實在太多，另方面亦係因為人實在係好有限，唔洗學新o野，淨係學做唔到o既o野，都有排受！

咩係饒恕？咩係原則？咩係海量汪涵，咩係辜息養奸？

是鮮為人知？還是請願不知？

2006-11-19T17:04:00.000+08:00

有人為一己權力慾而視他人甚至至親生命為無物；
有人滿腹心計制造時機有仇必報；
有人忠心耿耿清廉自重但卻無助解困；
有人才智兼備以大局為重但令人費解；
有人猛然醒悟痛徹心痱力挽狂攔；
有人喪智弄權待人極盡殘虐之能事；
有人錯愛薄倖精神錯亂含恨而終；
有人豪不悔疚只為自盡其性自完其心；...

處身於是非黑白濛糊不清的世界，
歷史自有公論這句話仍然可信嗎？
當課本只印刷陳腔濫調的故事時，
廣為人知的只剩下豪不關鍵的事件嗎？
當對別人刪改史實大喊不公時，
我們才是隱藏事實的高手嗎？
當見暴行散落無辜死難者時，
可知有更為歹毒不仁的手段嗎？

現實殘酷，可以簡單說句根本不知嗎？

2006-11-18T00:15:00.000+08:00

習非成事

2006-11-12T00:23:00.000+08:00

『不是流血不止，甚麼人一眼看上去都知道痛的那種痛，而是，外人看起來，一點也看不出來的。這才是最痛苦的地方。

性格又好，又溫柔的他，就是流下了優柔寡斷的傷害。就是這種躊躇感，令我覺得很痛苦。』

唔係睇唔出，係無理由，為咩？唔識答，因為我無資格。

今日思路一轉，忽然覺得自己好無謂，咁多年o黎點解做某o的o野時，一定要覺得同佢有關？生智慧牙要諗起佢、有人問我食左飯未呀要想起佢、行過巴士站要望望見唔見佢、唔用信咭因為佢、唔去赤柱避左佢......

喂，乜做人有o甘長情o架咩？痛苦係o米都會條件反射o既呢？其實係o米唔係好痛都會覺左好痛先o既呢？如果突然發覺其實自己都唔算好痛o甘會唔會嚇親自己o既呢？

『痛』唔係一個好o既習慣而且可以係一個好不自覺o既習慣......

戰友

2006-11-11T00:36:00.000+08:00

好warm o既一餐飯，好輕鬆o既一種感覺，
有o的朋友，唔會經常o向我身邊，
但會係最可以俾到我後盾o既人。
無上沙場，無打過杖，
但總有人會俾到您一種戰友o既感覺，
無論何時，無論何地，
拋出一個有需要o既眼神就會出現幾雙支援o既手。

十年人事，無幾番新，多謝！

渦心

2006-11-07T00:37:00.000+08:00

每個人都一定會經歷過渦心o既感覺又或者做過令人渦心o既事？
渦心唔需要大費周章、唔需要故作神秘，
對於我O黎講，
渦心係暖咁解，
係一種預計唔到O既細心、
意想不到O既體貼，
饑餓時候O既一塊麵包，
失意無助O既一下擁抱，
自負傲慢O既一句忠言......

Cookies and Cream Cheesecake

2006-10-30T20:52:00.000+08:00

我以為......

2006-10-28T01:37:00.000+08:00

......傷心可以很少
......我能過得很好

遺忘

2006-10-27T18:44:00.000+08:00

受傷的葉子聽見季節的吩咐
跳下了深愛的大樹
留不住的痴就要變做不在乎
熟悉的影子漸模糊
一生又一世一段沉溺的下午
和不再回頭的覺悟
我們的故事終於真的要結束
最後一次想往事
回到傷心的地方追溯相愛時光
人面桃花舊模樣新感傷
沉默不語老櫥窗結著記憶的網
誰讓我這般迷惘是你啊
我想你早就把我給遺忘
為別的溫柔女人買美麗衣裳
我能給你的祝福是遺忘
從此什麼都不想
一輩子將你遺忘

討厭！

2006-10-24T00:06:00.000+08:00

每個人都可以係另一個人o既天使，
每個人都可以係另一個人o既魔鬼。

2002年之前，我人生裡面無出現過一個令我憎o既人，但由o個年開始，一個又一個令我討厭o既人相繼出現，o黎o的人令我討厭o既人都有幾個共通點：

1. 自命靚女o既女人
2. 唔理o羊仔，一定玩得埋o既女人
3. 偽善o既女人

本來人地行人地o既路，關我o羊事？偏偏我同o黎o的人好似結下不解之緣o甘，遇到一個又一個，情況更加一個比一個嚴重。

第一次好憎一個人，對住個天對住個海，大呼大叫，叫我朋友o向我有生之年唔好再o向我面前提起o黎個人，唔想知道佢o既任何o野，原因係佢好時，我可能會唔抵得，佢唔好時，我更加唔想自己落井下石。

今時今日，遇到o黎o的人o既時候，我塊黑面自自然然變黑，語氣變差，態度變衰，眼神變狠，心祥變壞......，再唔係平時o既我。唔怕人地知我討厭佢，反而怕無人知我討厭佢，打鑼打鼓，惡形惡相，方死人唔知！我幾時變成一個o甘o既人？我討厭變成一個o甘o既人！

無題

2006-10-19T00:01:00.000+08:00

最近一年，情緒起落非常，前半年係o向公司做得最開心o既半年，後o黎半年係最唔開心o既，最大o既原因莫過於身邊o既工作伙伴、工作環境同性質上o既轉變。其實天下烏鴉一樣黑，做o個行嫌o個行，做o個度嫌o個度，所以可能度度都一樣，不過每次俾個機會我轉一轉，其實o向一個新環境裡面我都可以有個位回回氣，再捱耐o的。奇怪o既係今次只係半年左右，已經令我覺得好夠，直頭已經到樽頸位，開始有個幾強烈o既感覺係唔止o黎間公司，而係我做o黎行都已經做得幾夠！

今晚又開左一個一事無成o既會，仇人見面份外眼紅，有人會覺得攪串個會好開心，佢地唔會明白，一事無成o既損失係佢地自己，公司同我一樣人工照出？影響o既係邊個？你要傻，o米陪你一齊傻o羅！

(.........................

2006-10-14T20:38:00.000+08:00

有無試過開左門唔記得刪門？
出左門無刪冷氣？
做o野做左一半但無做另一半？
學o野學左o的o的又唔繼續落去？
同人講o野又或者聽人講o野，講左一半又或者聽左一半，但又無o西下文？

我會將o黎o的有頭無尾半途而廢天一半地一半o既情況形容為：
有開括號但無刪括號，

括號無論幾時o向乜o野情況出場都應該係一對o既！有開括號，無論中間隔開幾遠幾遠，都應該要有番個刪括號。我好唔鐘意o個o的有開括號但無刪括號o既情況，但偏偏我就係o個o的不斷製造開括號而又無能力刪番佢o既人。有人問我：乜開左一定要刪o既咩？係你自己定俾自己之o麻，take it easy，由得佢o羅，有乜所謂？

係，無錯，最大問題就係我自己定俾自己，所以最痛苦o既就係不斷做緊一個自己都唔想係咁樣o既人，所以而家有時唔想去了解自己，唔想去問自己咩點解？點解？甚至唔想去追查真實o既自己其實諗緊o的乜o野？

近期因為意圖想搵番某o的開括號出o黎處理而攪到自己可能痴左線，錯o西，亂o西o籠，成個世界掉轉o西。

生日快...

2006-10-13T07:31:00.000+08:00

無題

2006-10-10T01:20:00.000+08:00

今日有個人問我有無睇女王教室？佢話物極必反，做人太強硬係唔得o架，如果唔係一定失敗。收左線後，我對於o黎個有心俾說話我聽o既人當然唔會當一回事，問題係我人生幾時有試過好強硬？幾時？

連續兩個星期一o向相同地點撞到相同o既人，佢話：喂，你做咩又自言自語？

o華，咁都俾人發現到，我諗我病情惡化左，夠鐘，要停一停！

囍宴

2006-10-08T15:33:00.000+08:00

每次去飲，去到食完翅，食緊魚同雞o個個中場位時，就通常會係所謂o既遊戲時間，一去到o黎o的時間就會好睇到一對新人有幾玩得，又或者一對新人o既朋友係o的咩人？

有o的攪手好鐘意玩埋o的三級遊戲，樂此不疲；有o的攪手慳水慳力，將朝早接新娘玩過o既o野再玩：有o的攪手緊張過一對新人，反而好鬼好笑。

有次做囍宴MCo既印象好深，因為同個partner好熟，我地自己o向台上玩到癲o西，又亂講o野，唔跟原稿做，九唔答八，攪到o的賓客好驚，我諗連一對新人都對於搵我地做攪手都感到後悔莫及！腦海裡面，有一種方式好想用o黎取代遊戲時間，如果可以，德仔o既囍宴，會係最好o既試點。

不過無論咩遊戲，最恐怖o既遊戲相信係o個o的睇下相方有幾認識對方o既問答題，例如你第一次約佢去邊度食飯？佢第一次為左咩同你嘈交？作為朋友，其實都唔係太想公開地知道佢地o個o的第一次s，再者逆地而處，如果我自己結婚玩o黎o的遊戲，可能會成為史上第一個準新郎因為新娘咩都唔記得而悔婚o既人！

尋晚o既囍宴，新郎同新娘都好cute，無人喪飲、無喪玩，再加上個至好笑服務員玲姐，飲得令人好舒服，再講多一次，阿龍patpat，新婚快樂，招呼唔到！

明月幾時有把酒問清天

2006-10-07T10:58:00.000+08:00

一直都幾鐘意中秋節，

細個o既時候係因為可以玩蠟燭、玩燈籠、放火、通村走......，大小小o既時候可以同o的朋友BBQ、坐沙灘、傾通頂......，再大小小o既而家會同家人食飯、講無聊O野、食16分之1件月餅......

鐘意中秋諗諗O下可能唔關中秋事，可能係因為佢代表住秋天已經到O左......

秋天好似一個永遠俾人忽略O既人，無明顯特徵，熱又唔係佢最熱、凍又唔係佢最凍、濕又唔係佢最濕、乾又唔係佢最乾，春天有個新年假、夏天有個超長暑假、冬天有個聖誕假、秋天有咩長假期？一年四季，短又短過人，一個唔留神已經會同佢擦身而過，衰o的講句，有時根本唔知佢存在過。而家連中秋都可以有成25-30度，咁就叫中秋？

點解一個咁唔起眼o既季節仲可以令咁多人鐘意？可能係仲停留o向一貫對秋天o既幻想，好似上面幅相咁靚，邊個唔鐘意？變幻才是永恆，有時有o的o野一直話自己有幾鐘意、有幾鐘意，係你可以同佢一齊改變？定係根本只係一直鐘意以前o既佢？

人生
聚散似平常誰能預料
但我卻難忘往昔分秒
與你曾留下往昔歡笑
情感
是滿載痛苦與懊妙
又再次停留呆望這錶
可惜你今天已別去了
曾經藏著的愛情
卻不敢承認
如今問誰來做證
只得風聲冷冷的呼應
人生
似變化無常誰能預料
望再次尋回我心所愛
可惜那秋天已別去了

好鐘意o黎首舊歌，有時會play隻「秋天的童話」出o黎，唔係睇，係不斷repeat最後兩個chapter，聽住o的車聲、腳步聲、音樂聲、同o黎首片尾曲......

小小休滿月酒+中秋晚宴

2006-10-07T09:33:00.000+08:00

小小休玉手，手指甲好長！

紅雞蛋o向度，咁你老友豬腳薑呢？

主角出場，眼仔碌碌，隻眼咁似我細個o既？

同你一樣咁可愛o既小白兔

潮式月餅，但我至愛芋頭味已經無o西！

白兔仔四格特效！

深宵胡言

2006-10-04T02:50:00.000+08:00

2006年10月4日凌晨3點，發神經望住個窗"目訓"唔著，好少失眠o既我從來唔會介定o黎o的叫做失眠，因為我隨時可以打打下字"目訓"著番。

距離限期仲有27日，話長唔長，其實好短，但腦裡面一片空白......

「喂，主題o岩你o羊？唔o岩你o米算o羅，諗乜鬼呀？」

「喂，主題一定要o岩你o架o羊？幫埋你度身訂造好唔好？」

兩邦勢力大混戰，我依然無動於衷，因為腦裡面仍然係一片空白......

棵樹如果都有感覺，佢會係好悶？定係你有你營營役役，佢有佢遊然自得？

tune又點？唔tune又點？

2006-10-01T23:09:00.000+08:00

我仲記得未有auto tune o既年代，聽收音機係要自己用手慢慢tune正個台，但偏偏有o的位，無論你幾努力，都係永遠tune唔正o既，但我係好討厭聽收音機時有o個o的沙沙聲o向底，即使有幾細聲，都會令我好唔舒服，甚至會直頭將個收音機刪左去，請願唔聽！

人同人相處都好似手動tune台一樣，有時可以好清，有時可以極沙，有o的地方甚至點tune都唔會收到！有耐性同埋真係好想聽o個個節目o既話，可能會將個收音機搬去第二個位再tune過，不過有時連自己都唔知原來自己處身o既位置根本係無signal，死tune爛tune又有o羊用？

今日唔應該發脾氣同黑面，阿媽，同你補番句生日快樂！

我至愛糖醋麵，食左個人都開心o的！

人不可以貌相

2006-09-28T23:41:00.000+08:00

一向以o黎，我都好相信一樣o野，人係有樣睇o既，相由心生，所以o向我同人接觸o既過程裡面，我會從第一印象好主觀咁判斷對方，包括同對方夾唔夾到？可唔可以做朋友？又或者可以同對方做到乜o野程度o既朋友？

當然我都會睇錯人，有時甚至會好錯，而事實亦證明左我睇人係存有偏差，但好奇怪，我一路都無因為咁而改變我睇人o既一套所謂標準，相反人越大主觀性越強。

最近我發現我又睇錯左一個人，o黎個人睇睇下，竟然越來越似自己，最好笑係我開初對佢o既印象係「癲婆」一名，講o野大大聲、衝動、唔理性、諗起想做就要做……，完完全全係我o既寫照，所以可以想像到我可能o向人地心目中o既第一印象都係一個咁o既人，可幸o既係我有機會多小小認識佢，可以知道佢其實唔完全係一個咁o既人，或者佢要咁樣表達係有佢o既原因！

時間有限，總唔可能每個人都好深入咁認識，唔知仲有幾多個人係o向我錯誤判斷o既情況下狠狠地埋葬左，如果有o既話，真係唔好意思，你地安息啦！

無業特工隊

2006-09-27T19:58:00.000+08:00

每日朝早8:00-9:00，係一日裡面最充實、最充忙o既1小時，因為要爭分奪秒，為左趕及o向9:00前到達虎口。但偏偏每日o黎1個小時裡面要應付好多人，過五關斬六將，先可以順利離開住宅範圍。

首先，對面單位位阿太有兩個可愛BB，牙牙學語，每日出門，阿太都會堅持要BB們同我講BYE BYE，可惜兩個BB根本仲未識講O野，每日被阿媽迫佢地同我講O個兩個音，仲要係講唔到唔罷休，可憐O既BB根本唔係每日都有心情同我講BYE BYE，而我基於禮貌，又要局住企到佢地發到O個兩個音為止，期間自己亦要不斷揮住手掛住一個好假O既笑容起勢講BYE BYE！BYE BYE！BYE BYE！BYE BYE！......博BB可以聽到我講而發出同我相同O既兩個音！

落到樓下，我阿媽條針─保安員一見我就會下意識地望望個錶，職業病發O既我甚至會懷疑佢係O米會將我出門口O既時間落簿，到我阿媽返O黎時，就會同佢講：喂，X師奶，你個女今日好早出門口呀！又或者：喂，你個女今日好遲先出門口呀！

而守最後一道防線O既係雪糕伯，佢坐O向村口長椅，就係佢每日同我阿媽報告我究竟今日係搭的士定搭巴士返工：O華！你個女今日又搭的士喇，不過無車，佢等左成5分鐘呀......

當然，偶然更加會撞到一、兩個我阿媽O既手袋黨，由於試過O乍O帝睇佢地唔到而慘遭報串，俾阿媽教訓做人唔可以咁無禮貌唔同人打招呼，所以而家見到佢地更加要恭恭敬敬行過大禮！

基於每日遲到情況越來越嚴重，而且受唔住以上每日重複又重複、有意無意O既阻礙同監視，我O尋日終於向佢地個首領即我阿媽作出強烈投訴！！！

今朝起，對面阿太已經將大門關上、大堂保安無再O向我面前睇錶、雪糕伯直頭O向我視線範圍消失左？？？我開始懷疑我阿媽唔係一個普通人，佢可能好似TRUE LIES裡面O既阿諾舒華辛力加，表面係個平民，其實係個特工，我更有理由相信全條村都俾佢操控住，佢甚至可能已經安排左其他人O黎監視我！

喂阿媽，你好勁，不過你究竟又同人地講左O的O羊呀？

MATCH POINT

2006-09-25T00:04:00.000+08:00

剛剛睇完o黎隻碟，好睇，但都幾難睇，因為睇完唔會舒服。

「只要行好運，不必做好人」？我當然唔會贊同，對於主角有幾心恨手辣同死好命其實亦無乜感覺，最唔舒服可能係人同人o個種無理據o既passion同埋無warranty o既承諾？喂講者隨心，聽者受o西，關邊個事？你永遠唔知另一個人o既真正諗法，就算o黎一刻我係咁諗，下一刻改變左，who know？自以為好認識o既人o既事可以完全唔係o個回事，幾恐怖！

好多人講唔怕俾人呃，不過最緊要呃一世，係咩？有o野可以呃一世o架咩？

分離從來不易

2006-09-24T18:09:00.000+08:00

今日我先體會到咩叫難捨難離，坐底左唔想起身，起左身唔想走，走左唔想上車，車開左唔想到達，到左唔想分離。兩個主角同兩個臨時演員，主角交足戲，臨時演員完全唔入戲。人走左，臨時演員入番鏡，主角繼續用眼神同面部表情交戲，臨時演員無台詞唔適做戲，氣氛死寂......我地真係唔係一對好o既臨時演員！

其實分離有幾苦，試過就知，但最好o米試，就算試過o既其實都未必領會到人地o既感覺，不過我有小小變態地鐘意短暫o既分離，因為祈待/等待重聚o既過程好正，睹物思人、神不手舍、腦海裡面不斷重播幻想與回憶之間o既片段，陷入胡思亂想o既空間，最難頂係o個o的無來電顯示o既 miss call，絕對可以令人徹夜難眠！

但係如果分離係連埋forever的話，咁sorry，以上情況不適用，絕對會死人o架！

改變歷史？

2006-09-23T23:58:00.000+08:00

早幾日睇左套戲，係個人用個remote skip左自己o既人生，睇完我自己諗，俾我都唔會咁做，點知skip左o的衰o野o既同時，會唔會一併skip埋o的o羊好o野，而且只係skip左，唔係delete左，件事始終係發生左！

重點係，我無興趣預知將來，知o西咁悶仲洗做人？但我成日都會諗，如果我可以返到過去，我會唔會選擇改變歷史？諗左一輪，答案竟然係會，有3件事唔可以話係後悔，但如果有得再選擇，我唔會咁揀。

第一會改變17歲時o既一個選擇。
第二會做一份我真係有興趣o既工，絕對唔會入o黎行。
第三會開口同佢講我o既感受，會同佢講，係，我係好唔想你去......

美麗o既回憶想留住，苦澀o既想洗去，自然不過。有人話是苦是美，都係自己o既人生，都係自己o既一部份，應該接納自己o既所有。但對我o黎講，無法改變o既，只可以局住學會同佢共存。

FATHER, are you here?

2006-09-23T10:06:00.000+08:00

每逢o黎o的時間，我會問：上帝，你去左邊？

一個唔講理由、玩針對、自以為事、癲狂、是說非非說是、有佢講無人講、極有私心o既人，己經係一個好可憎o既人，如果你要一齊面對10個咁o既人，你會點？

我尋日，同上述一班狂人，惡鬥左接近6小時，到凌晨兩點，為公司戰死沙場，壯烈犧牲。公司今日應該o向我臺面上面刻上「為國捐軀」以昭亡魂！

入行咁多年o黎，見盡唔少奇人奇事o既我，開過好多好難頂o既會，對過好多難頂o既人，從未試過好似尋晚咁，四個字“心力交瘁”。我諗唔知情o既人如果在場，一定會以為我殺死左佢地10個人o既全家，而家俾佢地捉到兼且即時審訊。

同我一齊開會o既同事，本身個人都好tough兼且口若懸河，到會議後期已經放棄發言，只係掛住一副黑臉坐o向我隔離繼續精神上支持我。會議後我仲可以用o個把已經沙沙地o既聲線爆o西粗鬧o個班人，但係當自己一個人上到的士後，個世界好似停左，黑o西，我再問：上帝，頭先開會，你o向唔o向度？你去左邊？

Who shall separate us from the love of Christ? shall tribulation, or distress, or persecution, or famine, or nakedness, or peril, or sword?

無價

2006-09-18T23:36:00.000+08:00

140萬1 LOVE U車牌，我無，但係我有O黎個！

Relax, God Is In Control

2006-09-17T08:32:00.000+08:00

突破

2006-09-16T19:13:00.000+08:00

如果free一日俾你，你會做咩？可能都係同平時一樣o既o野！今日我就free足一日，焦早時計劃左想今日做好多o野，結果今日所做o既o野同尋日同前日同大前日一樣！

問10個人想唔想突破自己？應該都會有5個話想；如果真係俾o黎5個人一個突破o既機會，可能只會有2-3個人會嘗試；o向肯嘗試o既人裡面又有幾多個會堅持到底？

有時會成日帶住個秤做人，每件事都會秤一秤，值唔值？抵唔抵？化唔化算？其實唔係唔好，因為有時都要衡量下自己有無咁o既能力，有o的o野唔可以太過唔計後果。但有時如果太過計算，又會無左突破同改變o既勇氣！

要做番而家o既自己好容易，但10年後o既我如果仲係同而家o既我一樣，我又唔甘心？為自己o既理想行前一少步，由聽日起戒的士、寫番o野！

小姪女

2006-09-16T10:01:00.000+08:00

雖然唔明點O黎個年代點解仲有人有信心生兒育女，但身邊O既老友、同事、家人......甚至連舊情人都接連傳出喜訊，證明O向好多人心目中對將來仍然抱有希望！

我除左對O黎個世代感到無信心外，最重要係唔想承擔責任，想自由自在、無拘無束。有人問過我，而家可能會響往自由自在，但老左無人陪會好悶？

我細心一諗，如果有仔女O既主要FUNCTION係陪我，咁真係多謝O西，我老左如果經濟許可想週圍去，如果有仔女亦希望佢四圍去見多識廣，陪我？唔該O西先！

不過，我又多一個姪女始終係件開心事，喂喂喂，小姪女，如果姑姐老左悶悶地，不如你抽個空陪陪我！

TAKESHI KANESHIRO

2006-09-16T03:33:00.000+08:00

o黎個世界有咩係百看不厭？我諗係佢......

所謂魅力其實係一樣好無準則而且因人而異兼且豪無理性可言o既感覺。

13年前，當知道我死黨無程程鐘意佢時，我除左一味譏笑以外，就係豪不留情o既批評。點知6年前一個無o野做o既夜晚，睇一套無邏輯o既日劇時，竟然會開始左我泥足深陷o既旅程......

首先，我用左最短o既時間同最多o既錢去追番我唔認識佢o個10年，跟住o向o黎6年裡面，佢每年寥寥無幾o既暴光卻成為我平日最關注o既事物！一幅極粗糙o既快拍相片、一段最無聊o既老作新聞，都可以令我興奮半天。因為佢我轉用ERICSSON手機、因為佢我靜雞雞飲POCARI、UCC、VOLVIC、因為佢去日本一定要搭JAL、因為佢我走去買BIOTHERM HOMME送俾人......

記憶中3次遠距離同1次近距離見到佢時，我都只係好似俾人點左穴咁，只可以用目瞪口呆O黎形容自己！係身邊O既人同事太過平平無奇？非也，係佢實在太......型！

!!!

2006-09-13T07:30:00.000+08:00

我知點解我o向公司咁唔受歡迎？因為我好麻煩，點解我咁麻煩？因為我唔想求求其其;點解唔可以求求其其？因為我對自己有要求 ;點解要有要求？因為我唔想人做我做，同人做同一樣o野 ;點解要做同人唔同o既o野？因為份工本身已經好悶，如果再搬字過紙，會死得仲快;點解份工咁悶？STOP! why keep asking? I'm fed up with this!

花瓶

2006-09-10T18:59:00.000+08:00

O華，竟然俾我見到o黎張圖！花瓶其實都有用途，係一種擺設，一盆花靚唔靚，其實花瓶都佔一席，所以花瓶有咁多唔同o既種類、形態，係為左係襯托出花o既美麗，盆花靚，大部份人只會集中注意力o向o的花o既配搭上，花瓶永遠居次或被遺忘，其實我反而覺得花瓶係屬於默默耕耘o既一種！下次唔好再用花瓶形容o個o的o向辦公室騷手弄姿、正經事唔做o既女職員，因為咁樣絕對貶低左一個花瓶。

LAKE HOUSE

2006-09-09T21:24:00.000+08:00

電影吸引o既地方可能就係非真實、非理性，片長有限但想像無限，o向現實搵唔到，遇唔到。可惜兩個世界只有兩分鐘路程兼且一門之隔，返到街上，望望個天，望望條街，望望o的人，that's real-life!

所以下雨天路旁唔會長出大樹為我擋雨、檢查屋企地板時唔會發現地板底下有任何o野、走o向街上唔會發現誰人為我留下的字句......

串燒三姊妹？

2006-09-08T22:58:00.000+08:00

串燒三姊妹？哈哈，天下間無奇不有，但所有千奇百怪O既事都竟然可以發生o向我地o黎間芝麻咁大O既公司，直頭可以比美太平山頂O既"believe it or not"?

傳言O既O野，有人講就有人聽，有人聽就有人信，有人信自然有人繼續講，生生不息！代代相承！有市有價！烈女，請接招。哈哈哈！

一把火如果只係暫時被一條繩綑綁住，佢都仲係一把火，如果熄左仲著唔著得番呢？

Tiramisu

2006-09-05T07:17:00.000+08:00

中傭之道

2006-09-01T21:16:00.000+08:00

職場上有一類人，待人處事但求別起衝突，以大事化小，小事化無為原則，游走於人海中不一定面面俱圓，但總以多一個朋友勝於多一個敵人為依歸，不走最前，不主動發言，永遠保持中傭之道。

反之，另一類人，對人對事自有一套判斷，事事要求有理說清，不平則鳴，話要說得清楚，做要做得徹底，不作妥協，誓不讓步，快人快語但求無愧於心。

從小至大，以後者自居，即使經常弄至損手爛腳，箭在背上，吃力不討好，亦會孤掌自鳴。然而今日經歷一事，啟發原來一廂情願橫衝直撞可能會傷及他人，自以為據理力爭、但有時根本無需探究真理。各人自有各人的要求，何苦硬將自我價值強加於人？有人追求平穩，有人熱衷爭辯，中傭之道又有何不可？

小休上路

2006-08-28T21:37:00.000+08:00

有來有回，有聚有散，有進有退，有好有壞，有高有低，有生有死，有動有靜，有喜有悲，有是有非，有愛有恨......事事相對？
沒有雙對論的人生，沒有付出與收入成正比的道理，別作風調雨順的假想，別說命該如此的藉口，羨慕別人，妄自菲薄，不如小休再上路。