有o的攪手好鐘意玩埋o的三級遊戲，樂此不疲；有o的攪手慳水慳力，將朝早接新娘玩過o既o野再玩：有o的攪手緊張過一對新人，反而好鬼好笑。
有次做囍宴MCo既印象好深，因為同個partner好熟，我地自己o向台上玩到癲o西，又亂講o野，唔跟原稿做，九唔答八，攪到o的賓客好驚，我諗連一對新人都對於搵我地做攪手都感到後悔莫及！腦海裡面，有一種方式好想用o黎取代遊戲時間，如果可以，德仔o既囍宴，會係最好o既試點。
不過無論咩遊戲，最恐怖o既遊戲相信係o個o的睇下相方有幾認識對方o既問答題，例如你第一次約佢去邊度食飯？佢第一次為左咩同你嘈交？作為朋友，其實都唔係太想公開地知道佢地o個o的第一次s，再者逆地而處，如果我自己結婚玩o黎o的遊戲，可能會成為史上第一個準新郎因為新娘咩都唔記得而悔婚o既人！
尋晚o既囍宴，新郎同新娘都好cute，無人喪飲、無喪玩，再加上個至好笑服務員玲姐，飲得令人好舒服，再講多一次，阿龍patpat，新婚快樂，招呼唔到！
沒有留言:
發佈留言