一日遊

人多有人多o既溫暖，孤獨有孤獨o既寫意。

我唔相信有所謂o既同路人，
因為每個人行o既路始終有唔同，
但人與人之間確實會有好多交匯點，
無論同其他人有幾多個交匯點都好，
路，始終係要自己行。

我唔係孤獨主義o既人，
朋友o既支持同鼓勵更加唔會嫌多，
不過合適同合時o既孤獨都好重要。

孤獨係私人空間，
但有私人空間唔代表會孤獨，
孤獨唔係一種享受，
但孤獨時個人好似會醒一醒，
醒左唔代表o的o羊，
醒左唔代表係清醒，
醒左唔代表唔會呆番，
醒左唔代表唔會做傻事，
總之係醒過，就係o甘簡單！

因為孤獨，
今日條魚特別無辜
杯咖啡特別濃，
個飽特別正，
套戲特別暖，
步伐特別慢，
條街特別長，
燈光特別暗，
影像特別模糊......

唔好o甘天真，
世界唔會因為我而改變，
鍾意點睇就點睇，
總之唔好怨天尤人，
選擇o既幾時都係自己。